Scan & Get our app!
Get our app!
Download our app and stay connected on the go.
Scan & Get our app!
Scan QR-code to download our app and stay connected on the go.

ການຟື້ນຕົວໃນວັນພຸດບໍ່ສາມາດຢຸດຍັ້ງແຮງກົດດັນຈາກຝ່າຍຂາຍໄດ້ດົນ ເນື່ອງຈາກຄວາມກັງວົນຕໍ່ພາວະເສດຖະກິດຖົດຖອຍ ແລະມາດຕະການເຂັ້ມງວດຂອງທະນາຄານກາງ ເຮັດໃຫ້ຕະຫຼາດກັບມາມີທ່າທີໃນແງ່ລົບໃນວັນພະຫັດ. ການຫຼີກລ້ຽງຄວາມສ່ຽງຍັງໄດ້ຮັບອິດທິພົນຈາກສັນຍານຂອງຈີນ, ຣັດເຊຍ ແລະອັງກິດ ເຮັດໃຫ້ຜົນຕອບແທນພັນທະບັດແລະເງິນໂດລາສະຫະລັດສູງຂຶ້ນ.
ການປັບຕົວຂຶ້ນຄັ້ງໃໝ່ຂອງເງິນໂດລາສະຫະລັດ ເຂົ້າໃກ້ລະດັບສູງສຸດໃນຮອບ 20 ປີ ເຮັດໃຫ້ຄູ່ສະກຸນເງິນຫຼັກ, ສິນຄ້າໂພກພັນ ແລະສະກຸນເງິນອົດສະຕຣາລີກັບນິວຊີແລນ ກັບມາຢູ່ໃນແນວໂນ້ມຂາລົງ. ໃນກຸ່ມນີ້ AUDUSD ແລະ NZDUSD ປັບຕົວລົງແຮງທີ່ສຸດ ທ່າມກາງຄວາມກັງວົນຕໍ່ບັນຫາເສດຖະກິດຂອງປັກກິ່ງ. ຂໍ້ມູນສະຖິຕິພາຍໃນປະເທດທີ່ປະສົມປົນເປກໍເປັນອີກປັດໄຈທີ່ກົດດັນສະກຸນເງິນຫຼັກໃນພາກພື້ນປາຊີຟິກ.
ດ້ານອື່ນ ລາຄາຄຳຫຼຸດລົງຈາກການປັບຂຶ້ນລາຍວັນທີ່ແຮງທີ່ສຸດໃນຮອບ 6 ເດືອນ ຂະນະທີ່ນ້ຳມັນດິບຢຸດການຟື້ນຕົວທີ່ດຳເນີນມາ 2 ມື້ ທ່າມກາງການແຫ່ຊື້ເງິນໂດລາສະຫະລັດໃນຕະຫຼາດ.
ຄຣິບໂຕເຄີເຣນຊີຍັງຄົງຖືກກົດດັນ ແຕ່ການປັບຕົວລົງມີຂອບເຂດຈຳກັດ ເນື່ອງຈາກ Lightning Lab ແລະນັກລົງທຶນສະຖາບັນກັບມາຈຸດປະກາຍຄວາມຫວັງວ່າຕະຫຼາດຈະຟື້ນຕົວ.
ຕໍ່ໄປນີ້ແມ່ນຄວາມເຄື່ອນໄຫວຫຼ້າສຸດຂອງສິນຊັບຫຼັກ:



ການທີ່ທະນາຄານກາງອັງກິດ (BOE) ເຂົ້າຊື້ພັນທະບັດໂດຍບໍ່ຄາດຄິດ ໄດ້ກະຕຸ້ນບັນຍາກາດທີ່ຕະຫຼາດກ້າຮັບຄວາມສ່ຽງ ແລະຊ່ວຍໃຫ້ສະກຸນເງິນຫຼັກຟື້ນຕົວຈາກເງິນໂດລາສະຫະລັດ ຕາມທີ່ຕະຫຼາດຕ້ອງການ. ແນວໃດກໍຕາມ, ການທີ່ລັດຖະບານອັງກິດຄັດຄ້ານການປ່ຽນລັດຖະມົນຕີການເງິນ ແລະນະໂຍບາຍຂອງທ່ານທີ່ຖືກວິຈານໃນໄວໆນີ້ ໄດ້ດຶງຄວາມສົນໃຈກັບຄືນມາຫາຝ່າຍຂາຍ.
ຂໍ້ສົງໄສທີ່ເພີ່ມຂຶ້ນກ່ຽວກັບ PBOC ແລະຂໍ້ມູນທີ່ອ່ອນແອລົງກ່ຽວກັບເງິນເຟີ້ ແລະຄວາມເຊື່ອໝັ້ນຈາກອົດສະຕຣາລີແລະນິວຊີແລນ ກໍເປັນປັດໄຈໃນທຳນອງດຽວກັນ. ນອກນັ້ນ, ການທີ່ຣັດເຊຍລັງເລທີ່ຈະຖອນຕົວຈາກການຜະໜວກຢູເຄຣນ ແລະຄະນະກຳມາທິການເອີຣົບພ້ອມອອກມາດຕະການຂວ້ຳບາດມອດໂກເພີ່ມເຕີມ ໄດ້ເພີ່ມບັນຍາກາດທີ່ຕະຫຼາດຫຼີກລ່ຽງຄວາມສ່ຽງ.
ຄວາມພ້ອມຂອງບັນດາຜູ້ວາງນະໂຍບາຍທະນາຄານກາງທີ່ຈະຂຶ້ນອັດຕາດອກເບ້ຍຢ່າງເຂັ້ມງວດຂຶ້ນ ແມ່ນອີກປັດໄຈທີ່ຊ້ຳເຕີມບັນຍາກາດຕະຫຼາດທີ່ບໍ່ສົດໃສ ເຖິງແມ່ນວ່າຈະຕ້ອງແລກກັບການຊະລໍຕົວຂອງເສດຖະກິດກໍຕາມ.
ປັດໄຈທັງໝົດຂ້າງເທິງເບິ່ງຄືວ່າໄດ້ຜັກດັນໃຫ້ຫົວໜ້າທະນາຄານໂລກຄາດການວ່າຈະເກີດພາວະເງິນເຟີ້ສູງຄວບຄູ່ກັບເສດຖະກິດຊຸດໂຊມທົ່ວໂລກ ແລະພາວະເສດຖະກິດຖົດຖອຍໃນເຂດເອີໂຣ.
ສຳລັບຕະຫຼາດຄຣິບໂຕ, ຄວາມພ້ອມຂອງ Lightning Lab ໃນການເຮັດໃຫ້ເງິນໂດລາສະຫະລັດໃຊ້ Bitcoin ແລະຄວາມສົນໃຈໃນຄຣິບໂຕຂອງນັກລົງທຶນສະຖາບັນທີ່ເພີ່ມຂຶ້ນຢ່າງຄ່ອຍເປັນຄ່ອຍໄປ ກຳລັງທ້າທາຍຜູ້ຂາຍ BTCUSD ແລະ ETHUSD.
ຊື້ຢ່າງແຂງແຮງ: AUDUSD
⏬ 🔴 ສັນຍານຂາຍແຮງ: ETHUSD
ຊື້: ດັດຊະນີ USD, USDCAD, Nasdaq, USDJPY
⬇️ 🔴 ຂາຍ: DAX, FTSE 100, ຄຳ, BTCUSD
ຂະນະທີ່ຕົວເລກເງິນເຟີ້ຈາກເຢຍລະມັນອາດຊີ້ນຳທິດທາງຕະຫຼາດໃນທັນທີ ເຊິ່ງມີແນວໂນ້ມວ່າຈະລົງ, ຕົວເລກສຸດທ້າຍຂອງ GDP ສະຫະລັດໃນໄຕມາດ 2 ແລະຄຳເຫັນຈາກຜູ້ວາງນະໂຍບາຍທະນາຄານກາງຫຼາຍຄົນຈາກເອີຣົບ, ອັງກິດ ແລະສະຫະລັດ ອາດຈະໄດ້ຮັບຄວາມສົນໃຈຢ່າງຫຼາຍ. ເໜືອສິ່ງອື່ນໃດ, ຂ່າວພູມສາດການເມືອງ ແລະຄວາມເຄື່ອນໄຫວໃນຕະຫຼາດພັນທະບັດແມ່ນປັດໄຈສຳຄັນ. ໂດຍລວມແລ້ວ, ຝ່າຍຂາຍມີແນວໂນ້ມຈະຍັງຄວບຄຸມຕະຫຼາດ ແລະໜຸນຫຼັງຝ່າຍຊື້ເງິນໂດລາສະຫະລັດ.
ຮັບປະໂຫຍດຈາກແນວໂນ້ມຕະຫຼາດກັບ ໂບຣກເກີທີ່ດີທີ່ສຸດໃນພາກພື້ນອາຊີ-ປາຊີຟິກ. ພວກເຮົາມີເງື່ອນໄຂການຊື້ຂາຍທີ່ດີເລີດ, ບໍລິການ Copy Trade ຄຸນນະພາບສູງ ແລະໂຄງການແນະນຳລູກຄ້າ IB ທີ່ໄດ້ຮັບຫຼາຍລາງວັນ.
ຊື້ຂາຍຢ່າງມັ່ນໃຈ ແລະຮັບປະສົບການກັບເງື່ອນໄຂການຊື້ຂາຍທີ່ເໝາະສົມທີ່ສຸດຈາກ MTrading!
ຂໍໃຫ້ທ່ານໂຊກດີໃນການຊື້ຂາຍ!