Scan & Get our app!
Get our app!
Download our app and stay connected on the go.
Scan & Get our app!
Scan QR-code to download our app and stay connected on the go.

ຕະຫຼາດໂລກຍັງຊົບເຊົາໃນຊ່ວງຕົ້ນວັນພຸດ ຫຼັງຈາກເກີດບັນຍາກາດຫຼີກລ້ຽງຄວາມສ່ຽງ ເນື່ອງຈາກດັດຊະນີລາຄາຜູ້ບໍລິໂພກ (CPI) ຂອງສະຫະລັດໃນວັນອັງຄານສູງກວ່າທີ່ຄາດໄວ້ເລັກນ້ອຍ.
ຄວາມບໍ່ແນ່ນອນຂອງຕະຫຼາດເຮັດໃຫ້ເງິນໂດລາສະຫະລັດຫຼຸດກຳໄລບາງສ່ວນທີ່ໄດ້ຮັບຫຼັງຈາກຂໍ້ມູນເງິນເຟີ້ ເຊິ່ງຊ່ວຍໜູນສະກຸນເງິນຫຼັກ. ແຕ່ຄວາມກັງວົນກ່ຽວກັບການປະຊຸມ Fed ໃນອາທິດໜ້າເພີ່ມສູງຂຶ້ນ ເຮັດໃຫ້ AUDUSD ແລະ NZDUSD ຍັງຄົງອ່ອນຕົວ.
ແຕ່ USDJPY ປັບລົງຫຼາຍທີ່ສຸດໃນບັນດາສະກຸນເງິນຫຼັກຂອງ G10 ເນື່ອງຈາກ USD ອ່ອນຄ່າລົງພ້ອມກັບການແຊກແຊງຂອງ BOJ. ສ່ວນ EURUSD ຢູ່ອີກດ້ານໜຶ່ງ ໂດຍບໍ່ມີການເຄື່ອນໄຫວສຳຄັນ ເພາະວິກິດພະລັງງານຊີ້ວ່າກຸ່ມປະເທດນີ້ກຳລັງປະເຊີນສະພາບການທີ່ຮຸນແຮງ.
ລາຄາຄຳແລະນ້ຳມັນດິບບໍ່ສາມາດປັບຂຶ້ນໄດ້ ເຖິງວ່າໂດລາສະຫະລັດອ່ອນຄ່າລົງ ທ່າມກາງຄວາມກັງວົນຕໍ່ພາວະຖົດຖອຍແລະອັດຕາຜົນຕອບແທນທີ່ສູງ. ຂະນະທີ່ໂລຫະພື້ນຖານກໍຍັງອ່ອນຕົວ ເນື່ອງຈາກຄວາມກັງວົນທີ່ເຊື່ອມໂຍງກັບຈີນ.
ໃນຕະຫຼາດອື່ນ BTCUSD ແລະ ETHUSD ກຳລັງຟື້ນຕົວຈາກການປັບລົງຮຸນແຮງທີ່ສຸດໃນຮອບໜຶ່ງເດືອນ ແລະສາມອາທິດຕາມລຳດັບ.



ຕໍ່ໄປນີ້ແມ່ນຄວາມເຄື່ອນໄຫວຫຼ້າສຸດຂອງສິນຊັບຫຼັກ:
ນັກຊື້ຂາຍຕ້ອງການທິດທາງທີ່ຊັດເຈນ
ດັດຊະນີ CPI ຂອງສະຫະລັດເຮັດໃຫ້ຄວາມຫວັງຂອງຜູ້ກຳນົດນະໂຍບາຍທີ່ວ່າເງິນເຟີ້ກຳລັງຜ່ອນຄາຍລົງຖືກຕັ້ງຄຳຖາມ. ໃນມື້ຕໍ່ມາ Wall Street ປັບຫຼຸດລົງລາຍວັນຫຼາຍທີ່ສຸດໃນຮອບ 2 ປີ ແລະຜົນຕອບແທນພັນທະບັດຄັງເງິນສະຫະລັດກໍຂຶ້ນເຮັດສະຖິຕິສູງສຸດໃນຮອບຫຼາຍມື້ ຊຶ່ງຊ່ວຍໜູນໃຫ້ເງິນໂດລາສະຫະລັດແຂງຄ່າຂຶ້ນ. ແນວໂນ້ມການເຄື່ອນໄຫວຕໍ່ຈາກນັ້ນເບິ່ງຄືຊ້າລົງ ເພາະນັກຊື້ຂາຍກຳລັງລໍຖ້າຂໍ້ມູນ ແລະເຫດການສຳຄັນຈາກສະຫະລັດແລະເອີຣົບ ກ່ອນການປະຊຸມ Fed ໃນອາທິດໜ້າ.
ຂ່າວການອອກມາດຕະການກະຕຸ້ນເສດຖະກິດຈາກຈີນ ແລະການແຊກແຊງຂອງ BOJ ຊ່ວຍໃຫ້ນັກຊື້ຂາຍໃນອາຊີຫຼຸດຜ່ອນການຂາດທຶນທີ່ເກີດຂຶ້ນໃນຊ່ວງຜ່ານມາ ແຕ່ຮຸ້ນໃນຕະຫຼາດຕະວັນຕົກຍັງຖືກກົດດັນ. ຄຳເຫັນຂອງປະທານາທິບໍດີສະຫະລັດ Biden ກໍອາດຊ່ວຍໜູນຄວາມເຊື່ອໝັ້ນຂອງຕະຫຼາດ ໂດຍທ່ານກ່າວວ່າການປັບຂຶ້ນຂອງ CPI ບໍ່ໄດ້ສຳຄັນ ໃນຂະນະທີ່ລາຄາກາຊວນຫາກໍຜ່ອນຄາຍລົງ.
ຂ່າວລືກ່ຽວກັບໄຕ້ຫວັນຍັງຊ້ຳເຕີມຄວາມກັງວົນຈາກເງິນເຟີ້ ແລະກົດດັນຄວາມເຊື່ອໝັ້ນຂອງຕະຫຼາດ.
ດັ່ງນັ້ນ USDJPY ຈຶ່ງເປັນຄູ່ເງິນ G10 ທີ່ປັບຫຼຸດລົງຫຼາຍທີ່ສຸດ ໃນຂະນະທີ່ EURUSD ຍັງບໍ່ມີທິດທາງຊັດເຈນ. ລາຄາຄຳແລະນ້ຳມັນດິບກໍຍັງຢູ່ໃນລະດັບຕ່ຳ ເນື່ອງຈາກຄວາມກັງວົນວ່າເສດຖະກິດຈະຊະລໍຕົວ ແລະການຂຶ້ນອັດຕາດອກເບ້ຍຢ່າງຮຸກຮານຂອງ Fed.
ໃນອີກດ້ານໜຶ່ງ ຄວາມຍາກໃນການຂຸດຄົ້ນ Bitcoin ແລະຄວາມເຊື່ອໝັ້ນໃນການ Merge ຂອງ Ethereum ເບິ່ງຄືຈະຊ່ວຍໜູນການດີດກັບຄືນຫຼັງການປັບຖານຄັ້ງຫຼ້າສຸດຂອງສະກຸນເງິນຄຣິບໂຕຫຼັກ.
ປັດໄຈຄວາມສ່ຽງ ແລະຂໍ້ມູນສະຫະລັດແມ່ນປັດໄຈສຳຄັນ
ຫຼັງຈາກຜິດຫວັງກັບຂໍ້ມູນ CPI ຂອງສະຫະລັດ ນັກຊື້ຂາຍຈະຕິດຕາມລາຍລະອຽດຂອງຍອດຂາຍຍ່ອຍສະຫະລັດ ແລະຜົນສຳຫຼວດຄວາມເຊື່ອໝັ້ນຂອງຜູ້ບໍລິໂພກຈາກ University of Michigan ເພື່ອຢືນຢັນຄວາມຄາດຫວັງວ່າ Fed ຈະໃຊ້ນະໂຍບາຍທີ່ເຂັ້ມງວດ. ຫົວຂ່າວທີ່ລະບຸວ່າ EU ຈະປະກາດແຜນກຳນົດເພດານລາຄາພະລັງງານ ແລະການເຈລະຈາການຄ້າກັບສະຫະລັດ ກໍມີແນວໂນ້ມຈະເຮັດໃຫ້ນັກຊື້ຂາຍຕ້ອງລຸ້ນຕິດຕາມ. ດ້ານຂໍ້ມູນ ດັດຊະນີລາຄາຜູ້ຜະລິດສະຫະລັດ (PPI) ຈະຢູ່ໃນຕາຕະລາງປະກາດຂໍ້ມູນໃນຊ່ວງການຊື້ຂາຍຕະຫຼາດອາເມລິກາ.
ຂໍໃຫ້ທ່ານໂຊກດີໃນການຊື້ຂາຍ!