Scan & Get our app!
Get our app!
Download our app and stay connected on the go.
Scan & Get our app!
Scan QR-code to download our app and stay connected on the go.

EURUSD ຍັງຄົງມີແນວໂນ້ມຂາລົງ ເຖິງແມ່ນລາຄາຈະດີດຂຶ້ນຈາກແນວຮັບໃກ້ໆ. ແຕ່ຖ້າລາຄາຍັງຊື້ຂາຍຕ່ຳກວ່າ 200-SMA ແລະແນວຮັບເກົ່າຈາກທ້າຍເດືອນພຶດສະພາຢ່າງຕໍ່ເນື່ອງ ກໍຍັງເຮັດໃຫ້ຝ່າຍຂາຍຫວັງວ່າລາຄາຈະທະລຸແນວຮັບຂອງເສັ້ນແນວໂນ້ມໃກ້ໆທີ່ປະມານ 1.0450. ຈາກນັ້ນ ລະດັບຫຼາຍຈຸດທີ່ຢູ່ອ້ອມ 1.0400 ອາດທົດສອບແຮງຂາລົງ ກ່ອນຈະຊີ້ນຳລາຄາໄປຫາຈຸດຕ່ຳສຸດປະຈຳເດືອນກ່ອນທີ່ປະມານ 1.0350 ເຊິ່ງເປັນລະດັບຕ່ຳສຸດນັບຕັ້ງແຕ່ປີ 2017 ເຊັ່ນກັນ. ຖ້າຄູ່ເງິນນີ້ລົງເຮັດຈຸດຕ່ຳສຸດໃໝ່ຂອງປີ ຈຸດຕ່ຳສຸດໃນປີ 2017 ທີ່ຢູ່ໃກ້ 1.0340 ອາດເປັນແນວປ້ອງກັນສຸດທ້າຍຂອງຝ່າຍຊື້.
ດ້ານຂາຂຶ້ນ ການຟື້ນຕົວຕໍ່ໄປອາດມຸ່ງໄປຫາລະດັບ Fibonacci retracement 50% (Fibo.) ຂອງການປັບຂຶ້ນໃນວັນທີ 13-30 ພຶດສະພາ ທີ່ປະມານ 1.0570. ແຕ່ການບັນຈົບກັນຂອງ 200-SMA ແລະເສັ້ນແນວໂນ້ມຂາລົງຈາກວັນທີ 25 ພຶດສະພາ ຢູ່ແຖວ 1.0600 ເບິ່ງຄືຈະເປັນດ່ານທີ່ຍາກສຳລັບຝ່າຍຊື້ EURUSD. ເຖິງແມ່ນລາຄາຈະຜ່ານດ່ານ 1.0600 ໄປໄດ້ ຈຸດຕ່ຳສຸດຕອນຕົ້ນເດືອນມິຖຸນາທີ່ປະມານ 1.0630 ກໍຈະເປັນດ່ານສຳຄັນທີ່ຝ່າຍຊື້ຕ້ອງຜ່ານ ກ່ອນຈະກັບມາຄວບຄຸມຕະຫຼາດໄດ້.
ໂດຍລວມແລ້ວ EURUSD ຍັງຢູ່ໃນສາຍຕາຂອງຝ່າຍຂາຍ ເຖິງແມ່ນຈະມີສັນຍານຮູບແບບກາຟຂາຂຶ້ນ Double Bottom.